திமுக கூட்டணி பெரும் வெற்றி பெறும்: கிருஷ்ணசாமி

சென்னை:

தமிழகத்தில் வரவிருக்கும் சட்டசபை தேர்தலில், தி.மு.க. தலைமையிலான தேசிய ஜனநாயக கூட்டணி பெரும்வெற்றி பெறும் என புதிய தமிழகம் கட்சி தலைவர் டாக்டர் கிருஷ்ணசுவாமி தெரிவித்தார்.

இது குறித்து செய்தியாளர்களுக்கு அளித்த பேட்டியில் அவர் கூறுகையில், தமிழகத்தில் தி.மு.க.வுக்கு எதிரானநிலை எதுவும் காணப்படவில்லை.

நான் கடந்த 4 நாட்களாக புதுக்கோட்டையில் சுற்றுப்பயணம் மேற்கொண்டேன். அப்போது மக்கள் அடிப்படைஉரிமைகள் இல்லை என்பது போன்ற சிறு குறைகளைத்தான் கூறினார்கள்.

வரவிருக்கும் தமிழக சட்டசபை தேர்தலில் தி.மு.க. தலைமையிலான தே.ஜ.கூட்டணி நிச்சயம் வெற்றி பெறும். புதியதமிழகம் சார்பில் போட்டியிடும் வேட்பாளர்கள் பட்டியல் இந்த மாதம் 10ம் தேதி வெளியிடப்படும் என்றார்.

யு.என்.ஐ.