• search
For Quick Alerts
ALLOW NOTIFICATIONS  
For Daily Alerts

கிரிக்கெட்: இந்தியாவை வென்றது ஆஸ்திரேலியா

By Staff
|
விசாகப்பட்டினம்:

இந்தியா மற்றும் ஆஸ்திரேலிய அணிகளுக்கு இடையே விசாகப்பட்டினத்தில் செவ்வாய்க்கிழமை நடைபெற்ற4வது ஒரு நாள் போட்டியில் ஆஸ்திரேலியா 93 ரன்கள் வித்தியாசத்தில் வெற்றி பெற்றது.

இப்போட்டியில் ஆஸ்திரேலியா வென்றதன் மூலம் இரு அணிகளுக்கும் இடையே கோவாவில் நடைபெறும் 5வதுபோட்டி முக்கியமானதாக மாறியுள்ளது.

ஆஸ்திரேலிய அணியின் மாத்யூ ஹேடன்(111 ரன்கள்), மற்றும் ரிக்கி பாண்டிங்(101 ரன்கள்) ஜோடி இணைந்து2வது விக்கெட்டிற்கு 219 ரன்கள் எடுத்தது.

அதன் பின் வந்த ஸ்டீவ் வாஹ் (35 ரன்கள்) , மற்றும் மைக்கேல் பெவன்(43 ரன்கள்) ஆகியோரின் ஆட்டத்தால்அந்த அணியின் ஸ்கோர் 50 ஓவர்களில் 4 விக்கெட்டுகள் இழப்பிற்கு 338 ரன்கள் என உயர்ந்தது.

விசாகப்பட்டினம் மைதானத்தில் நடைபெறும் 5வது சர்வதேச போட்டியாகும் இது. இம்மைதானத்தில் பந்து வீச்சுஎடுபடாததால் ஆஸ்திரேலிய அணி, இந்தியாவிற்கு எதிராக அதிகபட்ச ரன்களை குவித்தது.

இப்போட்டியில் மாத்யூ ஹேடன் ஒரு நாள் போட்டிகளில் தனது முதலாவது சதத்தை எடுத்ததோடு இன்றையஆட்டத்தின் ஆட்ட நாயகனாக தேர்ந்தெடுக்கப்பட்டார். அதே போல் இந்திய டூர் முழுவதும் சரியாக விளையாடாதரிக்கி பாண்டிங்கும் இன்றைய ஆட்டத்தில் சதமடித்து, தான் இன்னும் பார்மில் இருப்பதை நிரூபித்தார்.

இத்தொடர் முழுவதும் சரியாக விளையாடாத கங்குலி இப்போட்டியில் மீண்டும் துவக்க ஆட்டக்காரராககளமிறங்கி விரைவில் அவுட்டாகி விட்டார்.

இந்திய ரசிகர்களுக்கு நம்பிக்கை அளிக்கும்படி ஆடிய டெண்டுல்கரும் (62 ரன்கள்) விரைவில் அவுட்டாகிவிடஇந்திய அணியை காப்பாற்ற முயற்சித்தவர்கள் ஜாகிர்கானும்(29 ரன்கள்) ஹர்பஜன் சிங்கும்(46 ரன்கள்) மட்டுமே.

45 ஓவர்களில் அனைத்து விக்கெட்டுகளையும் இழந்த இந்தியா 245 ரன்கள் மட்டும் எடுத்து 93 ரன்கள்வித்தியாசத்தில் தோற்றது.

இன்றைய போட்டியில் புதிதாக களமிறங்கிய ஆஸ்திரேலிய பந்து வீச்சாளர் நாதன் பிராக்மன் மற்றும் கிளென்மெக்ராத் தலா 2 விக்கெட்டுகளை எடுத்தனர்.

பந்து வீச்சில் மார்க் வாஹ் இடத்தை நிரப்பிய ஆஸ்திரேலிய கேப்டன் ஸ்டீவ் வாஹ் 3 விக்கெட்டுகளை வீழ்த்தினார்.ஷேன் வார்னேவும் தன் பங்கிற்கு 3 விக்கெட்டுகளை வீழ்த்தினார்.

இப்போட்டியில் ஆஸ்திரேலிய வென்றதை அடுத்து இரு அணிகளும் 2 போட்டிகளில் வென்று சமநிலையில்உள்ளன. கோவாவில் 5ம் தேதி நடைபெறும் இறுதிபோட்டியில் வெல்லும் அணி தொடரை கைப்பற்றும்.

யு.என்.ஐ.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

lok-sabha-home

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more