டெல்லியில் வெளியாகிறது பா.ஜ.க.வேட்பாளர் பட்டியல்

சென்னை:

பாரதீய ஜனதா கட்சியின் வேட்பாளர் பட்டியல் டெல்லியில் இருந்து வெளிவரும் என கட்சி வட்டாரங்கள் தெரிவித்தன.

தமிழக சட்டசபை தேர்தலில் திமுக கூட்டணியில் 21 இடங்களை பெற்ற பா.ஜ.க., தனது வேட்பாளர்களை தேர்வு செய்யும் பணியில் ஈடுபட்டு உள்ளது.

சீட் கேட்டு விண்ணப்பித்தவர்களில் 120 பேரை மாவட்டத் தலைவர்கள் பரிந்துரை செய்தனர். அவர்களிடம் செவ்வாய்க்கிழமை நேர்காணல் நடத்தப்பட்டது.

மத்திய அமைச்சர் பொன். ராதாகிருஷ்ணன், பா.ஜ.க.மாநில தலைவர் கிருபாநிதி, பொதுச்செயலாளர் இல.கணேசன் உள்பட 15 பேர் கொண்ட குழுவினர் இந்தவேட்பாளர் தேர்வை நடத்தினர்.

ஒவ்வொரு தொகுதிக்கும் 3 பேர் வீதம் தேர்வு செய்யப்படுகின்றனர். பா.ஜ.க.வின் மத்திய தேர்தல் குழு இந்த 3 பேரில் ஒருவரை தேர்வு செய்து கட்சியின்வேட்பாளராக அறிவிக்கும் என பா.ஜ.க வட்டாரங்கள் தெரிவித்தன.