சோ வீட்டில் ஜெ., சசிக்கு விருந்து

சென்னை:

நடிகரும், பத்திரிகையாசிரியருமான சோ வீட்டிற்கு அதிமுக பொதுச் செயலாளர் ஜெயலலிதாவும், அவரது தோழிசசிகலாவும் சென்றனர். அவர்களுக்கு வடை, பாயாசத்துடன் விருந்து கொடுத்து உபசரித்தார் சோ.

தமிழ் மாநில காங்கிரஸ் தலைவர் மூப்பனார் வீட்டுக்கு திங்கள்கிழமை சென்ற ஜெயலலிதா மற்றும் சசிகலாஆகியோர், மூப்பனாரின் பேரக்குழந்தை குறித்தும், அவரது உடல் நலம் குறித்தும் நலம் விசாரித்தனர்.

அங்கு சென்ற பின்னர் சோ வீட்டுக்கு இருவரும் சென்றனர். சோவின் பேரக் குழந்தையைப் பார்த்து கொஞ்சிமகிழ்ந்தனர். பின்னர் ஜெயலலிதாவும், சோவும் நீண்ட நேரம் தனியாக ஆலோசனை நடத்தினர்.

இது முடிந்தவுடன் அறுசுவை விருந்து இரு தோழியருக்கும் பரிமாறப்பட்டது. சாப்பிட்டு முடிந்ததும், இருவரும்விடை பெற்றனர். சோ மற்றும் அவரது குடும்பத்தினர் வாசல் வரை வந்து வழியனுப்பி வைத்தனர்.