கருணாநிதிக்காக பாட்டு பாடும் நெப்போலியன்
சென்னை:
முதல்வர் கருணாநிதியின் தொகுதியான சேப்பாக்கம் தொகுதியில் நடிகர் நெப்போலியன், தான் நடித்த சீவலப்பேரிபாண்டி படத்தில் வரும் கிழக்கு செவக்கையிலே பாடலை உல்டா செய்து முதல்வரை பாராட்டிப் பாடிஅனைவரையும் மெய் சிலிர்க்க வைத்தார்.
சேப்பாக்கம் தொகுதி சட்டசபைத் தேர்தலால் களை கட்ட ஆரம்பித்துள்ளது. ஒரே நாளில் வாணவேடிக்கை, பேண்டுவாத்தியங்கள் முழங்க திமுக சார்பில் பல மன்றங்கள் தொடங்கப்பட்டுள்ளன.
கடந்த 30 ம் தேதி நடந்த மன்றத் திறப்பு விழாவில் நெப்போலியன், தியாகு, மு.க.தமிழரசு மற்றும் எம்.எல்.ஏ.பரிதிஇளம்வழுதி ஆகியோர் கலந்து கொண்டு பிரசாரம் செய்தனர்.
திமுக, அதிமுக இரு கட்சியினரும் தொகுதியில் பிரசாரம் செய்ய ஆரம்பித்து விட்டனர். திமுக சார்பில்நெப்போலியனும், தியாகுவும் பிரசாரம் செய்து வருகின்றனர்.
அதிமுக சார்பில் ராதாரவி, குண்டு கல்யாணம், எஸ்.எஸ்.சந்திரன், தவக்களை மற்றும் விசாலி மனோகரன்ஆகியோர் பிரசாரம் செய்து வருகின்றனர்.