ஏப்.10 ல் வேட்பாளர் பட்டியல் வெளியிடுகிறது ம.த.தே.

சென்னை:

மக்கள் தமிழ் தேசம் கட்சியின் வேட்பாளர் பட்டியல் இந்த மாதம் 10ம் தேதி வெளியிடப்படும் என அக்கட்சிதலைவர் கண்ணப்பன் தெரிவித்தார்.

இது தொடர்பாக அவர் செய்தியாளர்களுக்கு அளித்த பேட்டி:

எங்கள் கட்சிக்கு தி.மு.க. தலைமையிலான கூட்டணி 6 தொகுதிகள் ஒதுக்கியுள்ளன. எங்கள் கட்சி சார்பில்போட்டியிட விண்ணப்பித்தவர்களிடம் நேர்காணல் நடத்தப்பட்டு வருகிறது. இந்த பணியை நானும், பிறநிர்வாகிகளும் நடத்தி வருகிறோம்.

இந்த மாதம் 10-ம் தேதிக்குள் எங்கள் கட்சி வேட்பாளர்கள் பட்டி.யல் வெளியிடப்படும். கட்சி விரோதநடவடிக்கையில் ஈடுபட்டதற்காக, ஒழுங்கு நடவடிக்கை எடுக்கப்பட்டு கட்சியிலிருந்து நீக்கப்பட்டவர்கள் போட்டிபொதுக் குழு கூட்டவிருப்பதாக கூறுவது வேடிக்கையாக உள்ளது.

1991ம் வருட தேர்தலில் தமிழ்க்குடிமகனுக்கு இளையான்குடி தொகுதி வழங்கப்பட்டது. 1996ம் ஆண்டு தேர்தலில்அவருக்கு மதுரை மத்திய தொகுதி வழங்கப்பட்டது.

தமிழ் குடிமகனுக்கு தேர்தலில் தொகுதி மறுக்கப்படவில்லை. அவர் அ.தி.மு.கவில் சேர்ந்ததற்கு தொகுதி பிரச்சனைமட்டும் காரணமல்ல. உள்நோக்கமும் இருக்கிறது.

தி.மு.க. கூட்டணியில் என்னை சேரும்படி பலமுறை அழைத்தவர் தமிழ்க்குடிமகன்தான். இப்போது அவர் என் மீதுபழி சுமத்துவது கண்டிக்கத்தக்கது.

தேசிய ஜனநாயகக் கூட்டணியின் தேர்தல் பிரசார தொடக்கவிழா இந்த மாதம் 9ம் தேதி திருச்சியில் நடக்கிறதுஅதில் நான் பங்கேற்கவிருக்கிறேன் என்றார்.