தொகுதி கிடைக்கலையே : கொந்தளிப்பில் சேலம் மாவட்ட காங்.

சேலம்:

சேலம் மாவட்டத்தில் காங்கிரசுக்குத் தொகுதிகள் எதுவும் ஒதுக்கப்படாததால் அதிருப்தியடைந்த மாவட்ட காங்கிரஸ்தலைவர்கள் அந்த மாவட்டத்தில் உள்ள 11 தொகுதிகளிலும் போட்டியிட முடிவு செய்துள்ளனர்.அதிமுக கூட்டணியில் இடம் பெற்றுள்ள தமிழ் மாநில காங்கிரஸ் மற்றும் காங்கிரசுக்கு சேலம் மாவட்டத்தில் ஒரு தொகுதிகள் கூடஒதுக்கப்படவில்லை.

இந்த மாவட்டத்தில் 11 தொகுதிகளில் 8 ல் அதிமுகவும், 3 ல் பாட்டாளி மக்கள் கட்சியும் போட்டியிடுகிறது. இதனால் இந்தமாவட்டத்தில் உள்ள காங்கிரஸ் கட்சியினர் கடும் அதிருப்தியடைந்துள்ளனர். இந்த நிலையில், திங்கள்கிழமை மாவட்ட காங்கிரஸ் கூட்டம் நடந்தது.

இக் கூட்டத்தில் மாவட்டத் தலைவர் உள்பட பலர் சேலம் மாவட்டத்தில் காங்கிரஸ் அனைத்து தொகுதியிலும் போட்டியிடுவது எனதீர்மானித்து வேட்பாளர்கள் பட்டியலை அறிவித்துள்ளனர்.

இதன்படி, தாரமங்கலத்தில் மணியும், ஓமலூரில் எஸ். எஸ் மணியும், மேட்டூரில் சதாசிவமும், சங்ககிரியில் ராமனும், சேலம் 2 ல்திருமலையும், போட்டியிடுகின்றனர்.

மீதமுள்ள 6 தொகுதிகளின் வேட்பாளர்கள் விரைவில் அறிவிக்கப்படுவர். இவர்கள் அனைவரும் வரும் 19 ம் தேதி வேட்பு மனுத்தாக்கல் செய்ய முடிவு செய்யப்பட்டது.