ஐக்கிய ஜமாத் வேட்பாளர்கள் அறிவிப்பு

சென்னை:

திமுக கூட்டணியில் இடம்பெற்றுள்ள தமிழக ஐக்கிய ஜமாத் கட்சி தான் போட்டியிடும் 3 தொகுதிகளின் வேட்பாளர்களை அறிவித்துள்ளது.

தமிழ் மாநில காங்கிரஸ் கட்சி அதிமுகவுடன் கூட்டணி வைத்ததை எதிர்த்து அக்கட்சியிலிருந்து வெளியேறி தமிழக ஐக்கிய ஜமாத் என்றபுதிய கட்சியைத் துவக்கியுள்ளார் வில்லிவாக்கம் த.மா.கா. எம்.எல்.ஏ. ஜே.எம்.ஹாரூண்.

ஹாரூண் கட்சிக்கு திமுக கூட்டணியில் 3 தொகுதிகள் ஒதுக்கப்பட்டுள்ளன. இந்த தொகுதிகளுக்கான வேட்பாளர்களை கட்சித் தலைவர்ஹாரூண், வியாழக்கிழமை செய்தியாளர்களிடம் தெரிவித்தார்.

இதன்படி, ஹாரூண், வாணியம்பாடி தொகுதியில் போட்டியிடுகிறார். கடையநல்லூரில் ஷாகுல், பெரியகுளத்தில் கட்சிப் பொருளாளர் அபுதாஹிர்ஆகியோர் போட்டியிடுகிறார்கள்.

திமுக சின்னமான உதயசூரியன் சின்னத்தில் 3 பேரும் போட்டியிடுவார்கள் என்று ஹாரூண் தெரிவித்தார்.