ஆண்டிப்பட்டியில் ஜெ.வை எதிர்த்து சந்திரலேகா போட்டி

By Staff

Published: Thursday, April 19, 2001, 5:30 [IST]

சென்னை:

ஆண்டிப்பட்டி தொகுதியில் ஜெயலலிதாவை எதிர்த்து ஜனதாக் கட்சியின் சார்பில் முன்னாள் ஐ.ஏ.எஸ். அதிகாரி சந்திரலேகா களமிறக்கப்பட்டு உள்ளார்.

ஜெயலலிதா ஆட்சியில் ஐ.ஏ.எஸ்.அதிகாரியாக இருந்த சந்திரலேகாவின் முகத்தில் ஆசிட் வீசப்பட்டது. அதன் பின் ஐ.ஏ.எஸ். பதவியை துறந்தசந்திரலேகாவிற்கு ஜனதா கட்சி தலைவர் சுப்ரமணிய சுவாமி அடைக்கலம் அளித்து ஜனதா கட்சியின் தமிழக தலைவராக நியமித்தார்.

ஜெயலலிதா ஆட்சியின் போது அவரை எதிர்த்து வந்த சுப்ரமணிய சுவாமி அவர் மீது பல்வேறு வழக்குகளை தொடர்ந்தார். அதன் பின் நடந்த 1996ம் ஆண்டுசட்டசபை தேர்தலின் போது அதிமுகவை எதிர்த்து போட்டியிட்டது ஜனதா கட்சி.

அரசியலில் நிரந்தர எதிரியும் இல்லை, நிரந்தர நண்பனும் இல்லை என்ற பாணியில், அதே ஆண்டு நடந்த உள்ளாட்சி அமைப்புகளுக்கான தேர்தலில் சென்னைமாநகராட்சியின் மேயர் பதவிக்கு அதிமுக ஆதரவை நாடியது ஜனதா கட்சி. ஜெயலலிதாவின் ஆதரவுடன் போட்டியிட்ட சந்திரலேகா அந்த தேர்தலில்தோற்றுப் போனார்.

அதன்பின் நடந்த அரசியல் மாற்றங்களில் மீண்டும் ஜெயலலிதாவை எதிர்க்க முடிவு செய்த சுப்ரமணியசுவாமி தற்போது ஜெயலலிதாவிற்கு எதிராக ஆண்டிப்பட்டிதொகுதியில் சந்திரலேகாவை நிறுத்துகிறார்.

சென்னையில் புதன்கிழமை வெளியிடப்பட்ட ஜனதாக் கட்சியின் அறிக்கையில் இது பற்றி தெரிவிக்கப்பட்டு உள்ளது. அந்த அறிக்கையில் மேலும்தெரிவிக்கப்பட்டுள்ள தகவல்கள்:

நடைபெற உள்ள தமிழக சட்டமன்ற தேர்தலுக்குபாரதிய ஃபார்வர்டு பிளாக் கட்சியுடன் கூட்டணி அமைத்துள்ளது ஜனதா கட்சி.

இக்கூட்டணியின் சார்பில் தமிழகத்தில் 30 தொகுதிகளிலும் பாண்டிச்சேரியில் ஒரு தொகுதியிலும் ஜனதா கட்சி போட்டியிடுகிறது.

ஆண்டிப்பட்டி தொகுதியில் ஜெயலலிதாவை எதிர்த்து ஜனதா கட்சியின் மாநில தலைவர் சந்திரலேகா போட்டியிடுவார். வருகிற ஏப்ரல் 20ம் தேதி வேட்புமனுதாக்கல் செய்கிறார் சந்திரலேகா.

ஜனதா கட்சி போட்டியிடும் தொகுதிகள் -

1. வேலூர்

2. ஓமலூர்

3. தொண்டாமுத்தூர்

4. பெருந்துறை

5. ஊட்டி

6. ஆத்தூர்

7. சேடப்பட்டி

8. திருமங்கலம்

9. உசிலம்பட்டி

10. சோழவந்தான்

11. திருப்பரங்குன்றம்