ஐஸ்கிரீம், சாக்லேட், மோட்டார் பைக், கேக், மோதிரம்

சென்னை:

தமிழக சட்டசபைத் தேர்தலுக்காக சாக்லேட், பைக், மோதிரம் என்று சுமார் 82 சுயேச்சை சின்னங்களை தேர்தல்ஆணையம் வெளியிட்டுள்ளது.

அங்கீகாரம் பெறப்பட்ட பெரிய கட்சிகளுக்கு சின்னங்களை ஒதுக்குவதில் தேர்தல் அதிகாரிகளுக்குஅவ்வளவாகப் பிரச்சனை இருக்காது.

ஆனால் கட்சியோ, கொடியோ இல்லாமல் திடீரென்று முளைக்கும் சுயேச்சைகளுக்கு சின்னங்களைவழங்குவதுதான் தேர்தல் ஆணையத்துக்கு மிகப்பெரிய தலைவலியான விஷயமாகும்.

அனைத்துப் பொருட்களுக்குமே பல சின்னங்கள் உள்ளன. அவற்றில் எதையாவது தேர்வு செய்து கொடுக்கலாம்என நினைக்கலாம். ஆனால் அதற்கு முட்டுக்கட்டையாக பல்வேறு விதிமுறைகள் உள்ளன.

1. பெரிய கட்சிகள், அங்கீகாரம் பெற்ற கட்சிகள் ஆகியவற்றின் சின்னம் சுயேச்சைகளுக்கு ஒதுக்கப்படக் கூடாது.

2. மக்கள் அதிகமாக உபயோகப்படுத்தப்படும் பொருட்களை மட்டுமே தேர்தல் சின்னமாகப் பயன்படுத்தவேண்டும்.

3. பெரிய கட்சிகளின் சின்னத்தைக் குழப்பும் வகையில் சுயேச்சை வேட்பாளர்களுக்கு சின்னங்கள்வழங்கப்படக்கூடாது.

4. சுவர் மற்றும் பிற விளம்பரங்கள் செய்வதற்கு வசதியாக உள்ள சின்னங்களே வழங்கப்பட வேண்டும் என்றவிதிமுறை உள்பட பல விதிமுறைகள் உள்ளன.

இந்தத் தேர்தலில் பயன்படுத்தப்பட உள்ள சின்னங்கள்:

விளக்கு, மோட்டார் பைக், பல்லக்கு, முள் கரண்டி, கண்ணாடி, சிறுமியர் சட்டை, கூடாரம், வாழைப்பழம், ரொட்டி,கத்திரிக்காய், தேங்காய், சாக்லேட், கேரட், மக்காச்சோளம்.

இவை தவிர ஆகாய விமானத்தில் துவங்கி டிவி, காமிரா, ரயில் என்ஜின், மோதிரம், நெக்லஸ் என்று அன்றாடம்உபயோகிக்கும் பொருட்கள் சுயேச்சை சின்னங்களாகியுள்ளன.