ஆயுதங்கள் குவிக்கும் பாகிஸ்தான்

இஸ்லாமாபாத்:

1992ம் ஆண்டு முதல் 2000ம் ஆண்டு வரை உலகில் மிக அதிகமாக ஆயுதங்கள் வாங்கிக் குவித்த முதல் 10நாடுகள் பட்டியலில் பாகிஸ்தான் இடம் பெற்றுள்ளது. இதில் இந்தியாவின் பெயர் இல்லை என்பதுகுறிப்பிடத்தக்கது.

இந்த 8 ஆண்டுகளில் பாகிஸ்தான் ஆயுதம் வாங்குவதற்காக 4.4 பில்லியன் டாலர்கள் செலவு செய்துள்ளது.இது தவிர அமெரிக்காவிடமிருந்து 650 மில்லியன் டாலர்கள் செலவில் எப்-16 விமானத்தையும்வாங்கியுள்ளது என்பது குறிப்பிடத்தக்கது.

இது குறித்து நேஷன் என்ற நாளிதழ் தெரிவிக்கையில், பாகிஸ்தான் அதிக அளவில் ஆயுதம் வாங்கும் நாடுகளில்10வது இடத்தில் உள்ளது. பாகிஸ்தான் 4.4.பில்லியன் டாலருக்கு ஆயுதம் வாங்கியுள்ளது. ஈரான்4.7பில்லியன் டாலருக்கு ஆயுதம் வாங்கியுள்ளது. சீனா 5.9 பில்லியன் டாலருக்கு ஆயுதம் வாங்கியுள்ளது.

இந்தியா அதிக ஆயுதம் வாங்கிய முதல் 10 நாடுகளின் பட்டியலில் இடம் பெறவில்லை என்பதுகுறிப்பிடத்தக்கது. இந்திய நிதிநிலை அறிக்கையில் பாதுகாப்பு செலவுகளுக்காக ரூ 63,000 கோடிஒதுக்கப்பட்டிருந்தாலும் அதிக அளவிலான பணம் ராணுவ வீரர்களின் சம்பளத்திற்கும், பராமரிப்புசெலவுகளுக்குமே சரியாகி விடுகிறது.

ஆயுதம் வாங்குவதற்காக அதிக அளவில் செலவு செய்யும் நாடுகளில் சவூதி அரேபியா முதலிடம்வகிக்கிறது. சவூதி அரேபியா ஆயுதம் வாங்க 66.1 பில்லியன் டாலர் செலவிட்டுள்ளது.

பட்டியலில் இரண்டாவது இடத்தை தைவான் பிடித்துள்ளது. இந்நாடு ஆயுதம் வாங்க 20.6 பில்லியன் டாலர்செலவிட்டுள்ளது.

ஆயுதம் வாங்குவதற்காக எகிப்து 9.7 பில்லியன் டாலரும், தென் கொரியா 8.0 பில்லியன் டாலரும்,ஐக்கிய அரபு நாடுகள் 7.8 பில்லியன் டாலரும், குவைத் 7.6 பில்லயன் டாலரும், இஸ்ரேல் 7.2 பில்லியியன்டாலரும் செலவிட்டுள்ளன.

யு.என்.ஐ.