குமரியாருக்கு மிட்டாய் கண்ணப்பனுக்கு பூட்டு

சென்னை:

தி.மு.க கூட்டணியில் சேர்ந்து சட்டசபைத் தேர்தலில் போட்டியிடும் முன்னாள் காங்கிரஸ் தலைவர் குமரிஅனந்தனுக்கு மிட்டாய் சின்னமும், முன்னாள் அ.தி.மு.க அமைச்சர் ஆர்.எம்.வீரப்பனுக்கு டி.வி சின்னமும்வழங்கப்பட்டுள்ளது.

தமிழக சட்டசபைத் தேர்தல் களத்தில் தற்போது இறுதியாக 1858 வேட்பாளர்கள் களத்தில் உள்ளனர். இவர்களில்94 பேர் பெண்கள்.

வேட்பு மனு வாபஸுக்குப் பிறகு இறுதியாக உள்ள வேட்பாளர்கள் அனைவருக்கும் சின்னங்கள் ஒதுக்கப்பட்டுவிட்டன. இதன்படி தி.மு..க கூட்டணியில் உள்ள 6 கட்சிகளுக்கு உதயசூரியன் சின்னம் வழங்கப்பட்டுள்ளது.

தொண்டர் காங்கிரஸ் என்ற பெயரில் திருவொற்றியூர் தொகுதியில் போட்டியிடும் குமரி அனந்தனுக்கு மிட்டாய்சின்னம் வழங்கப்பட்டுள்ளது. அவர் மெழுகுவர்த்தி சின்னம் கேட்டிருந்தார். ஆனால், கிடைக்கவில்லை.

முன்னாள் அமைச்சர் எஸ்.கண்ணப்பனின் மக்கள் தமிழ் தேசம் கட்சிக்கு பூட்டு, சாவி சின்னம்வழங்கப்பட்டுள்ளது. இக்கட்சி 6 இடங்களில் போட்டியிடுவது குறிப்பிடத்தக்கது.