வாரிசு அரசியல் கிடையாது: கருணாநிதி பல்டி

திருப்பத்தூர்:

திமுக ஒரு ஜனநாயக அமைப்பு, இங்கு வாரிசு அரசியலுக்கு இடமே இல்லை என்றுகருணாநிதி கூறியுள்ளார்.

வேலூர் மாவட்டம் திருப்பத்தூரில் புதன்கிழமை நடந்த தேர்தல் பிரச்சாரக் கூட்டத்தில்பேசிய கருணாநிதி,

ஸ்டாலினை முதல்வர் ஆக்குவதற்கு நான் முயற்சிக்கிறேன். அதனால்தான்ஜெயலலிதாவின் வேட்புமனுவை நான் செல்லாமல் ஆக்கிவிட்டேன் என்றுஜெயலலிதா சொல்கிறார்.

இது அப்பட்டமான, இட்டுக்கட்டிய பொய்; ஜமக்காளத்தில் வடிகட்டிய பொய்.

ஸ்டாலினை முதல்வராக ஆக்குவதற்காகவா திமுக இருக்கிறது? திமுக ஒரு ஜனநாயகஅமைப்பு.

அண்ணா மறைந்த பிறகு, நெடுஞ்செழியன்தான் முதல்வராக வருவார் என்றுசொன்னார்கள். ஆனால் கழக உறுப்பினர்கள் என்னைத்தான் முதல்வர் என்றுதேர்ந்தெடுத்தார்கள்.

அப்படிப்பட்ட ஒரு ஜனநாயக ரீதியிலேதான் யார் முதல்வர் என்பதை திமுகநிர்ணயிக்கும்.

அவ்வாறில்லாமல் யாரையும் சுட்டிக்காட்டி இன்னார்தான் முதல் அமைச்சர் என்றுவாரிசு அரசியல் நடத்துகின்ற கட்சியல்ல திமுக என்றார்.

ஆனால், வேலூரில் செவ்வாய்க்கிழமை நடந்த தேர்தல் பிரச்சாரக் கூட்டத்தில், மு.க.ஸ்டாலின் முதல்வராக வரவேண்டிய சூழ்நிலை ஏற்பட்டால் அதை யார் தடுக்க முடியும்என கருணாநிதி கூறியிருந்தது குறிப்பிடத்தக்கது.