திமுக சாதி கூட்டணி அல்ல சாதிக்கும் கூட்டணி: மாறன்

சென்னை:

திமுக கூட்டணியில் சாதிக் கட்சிகள் இருப்பதால் இது சாதிக் கூட்டணி என்கிறார்கள். ஆனால் இது சாதிக் கூட்டணிஅல்ல, சாதிக்கும் கூட்டணி என்றார் மத்திய அமைச்சர் முரசொலி மாறன்.

சிந்தாதிரிப்பேட்டையில் நடந்த பிரச்சாரக் கூட்டத்தில் அவர் பேசியதாவது:

எதிர்க்கட்சிகளும், பத்திரிக்கைகளும் குறைகளைச் சுட்டிக் காட்டினால் திமுக அரசு அதற்குத் தீர்வு கண்டது.

தவறிப்போய் நீங்கள் அதிமுகவிற்கு வாக்களித்து வெற்றிபெறச் செய்தால், அவர்கள் தமிழகத்தைக் கூறு போட்டுவிற்று விடுவார்கள்.

தமிழ்நாட்டுக்கு வரப்போவது நல்ல நேரமா கெட்ட நேரமா என்பதை நீங்கள்தான் முடிவு செய்ய வேண்டும்.

தேர்தல் நாளில் நல்ல தீர்ப்பை வழங்குங்கள். இல்லாவிட்டால் இருளும் ஆபத்தும் தமிழகத்தைச் சூழ்ந்து விடும்என்றார் மாறன்.