சட்டசபைத் தேர்தல் செலவு ரூ. 42 கோடி!

சென்னை:

தமிழக சட்டசபைக்கு நடந்த பொதுத் தேர்தலுக்கான செலவு ரூ. 42 கோடி என்று மதிப்பிடப்பட்டுள்ளது.

சட்டசபைக்கு வியாழக்கிழமை நடந்த தேர்தலின்போது மொத்தம் 234 தொகுதிகளுக்குத் தேர்தல் நடந்தது.மொத்தம் 1857 வேட்பாளர்கள் போட்டியிட்டனர். இவர்களில் 104 பேர் பெண்கள்.

வாக்குப்பதிவுக்கு மாநிலம் முழுவதிலும் மின்னணு வாக்குப்பதிவு இயந்திரங்கள் பயன்படுத்தப்பட்டன. தேர்தல்பணிகளில் மொத்தம் 3 லட்சம் ஊழியர்கள் ஈடுபடுத்தப்பட்டனர்.

பாதுகாப்புப் பணியில் கிட்டத்தட்ட 1லட்சம் போலீஸார், துணை ராணுவப் பிரிவினர் ஈடுபட்டனர். கூடுதலாகஅதிரடிப்படையும் பாதுகாப்புப் பணியில் ஈடுபட்டது.

தேர்தல் பணிகளுக்கு ஒட்டுமொத்தமாக ரூ. 42 கோடி வரை செலவாகியிருக்கலாம் என்று தெரிகிறது. இதன் சராசரிவிகிதப்படி ஒரு வாக்காளருக்கு ரூ. 8.85 வரை செலவாகியிருக்கிறது.