கேரள, மேற்குவங்கம், அஸ்ஸாமிலும் வாக்குப் பதிவு தொடக்கம்

டெல்லி:

தமிழகம்- பாண்டிச்சேரி தவிர மேற்கு வங்கம், கேரளம், அஸ்ஸாம் சட்டசபைகளுக்கும் வாக்குப் பதிவு வியாழக்கிழமை காலை 7மணிக்குத் தொடங்கியது.

மேற்கு வங்கம்:

மேற்கு வங்கத்தில் 24 ஆண்டுகாலம் தொடர் ஆட்சி நடத்தி வருகிறது கம்யூனிஸ்ட் கட்சி. முதல்முறையாக ஜோதிபாசு முதல்வராகஇல்லாமல் தேர்தலை சந்திக்கிறது அந்தக் கட்சி. மம்தா பானர்ஜியின் திரிணமூல் காங்கிரஸ்- காங்கிரஸ் கூட்டணி இந்த முறைகம்யூனிஸ்ட் கட்சிகளுக்கும் கடும் சவாலாக விளங்கி வருகின்றன.

கல்கத்தா உள்பட மேற்கு வங்கம் முழுவதுமே காலையிலேயே தீவிரமாக வாக்குப் பதிவு தொடங்கியது.

கேரளம்:

மேற்கு வங்கத்துக்கு இணையாக கம்யூனிஸ்ட்களின் கோட்டைகளில் ஒன்று கேரளா. இங்கும் காலை 7 மணிக்கு விறுவிறுப்பானவாக்குப் பதிவு தொடங்கியது.

கேரளத்தில் ஆட்சியில் உள்ள கம்யூனிஸ்ட் கட்சிகள் தோல்வியைத் தழுவும் என எதிர்பப்ரக்கப்படும் நிலையில் பலத்த பாதுகாப்புக்குஇடையே வாக்குப் பதிவு தொடங்கியுள்ளது.

அஸ்ஸாம்:

அஸ்ஸாமில் உல்பா பயத்துக்கு இடையே தேர்தல் நடக்கிறது. காலையில் வாக்குச் சாவடிகளில் ராணுவத்தினரும் போலீசாரும் தான்நின்று கொண்டுள்ளனர். ஓட்டு போட மக்களே வரவில்லை.

உல்பா தீவிரவாதிகளின் அச்சுறுத்தல் காரணமாக வாக்களிக்க வெளியே வரவே மக்கள் அச்சப்படுகின்றனர். தீவிரமானபாதுகாப்பு போடப்பட்டிருந்தாலும் கூட காலை 7 மணிக்கு வாக்களிக்க யாருமே வரவில்லை. பிற்பகலுக்குப் பின்னர் தான் இங்குசுமாரான வாக்குப் பதிவாவது நடக்கும் என எதிர்பார்க்கப்படுகிறது.