கோடீஸ்வரனுக்குப் போட்டியாக கோடீஸ்வரி
சென்னை:
சன் டிவியின் கோடீஸ்வரன் நிகழ்ச்சியின் பாணியில் ஜெயா டிவியில் கோடீஸ்வரி என்ற பெயரில் பெண்களுக்கானநிகழ்ச்சி நடத்தப்படவுள்ளது.
ஸ்டார் டிவி வரிசையில் சன் டிவியில் கோடீஸ்வரன் என்ற நிகழ்ச்சி நடத்தப்பட்டு வருகிறது. வாரத்திற்கு சனி,ஞாயிறு ஆகிய 2 தினங்களில் மட்டும் இந்த நிகழ்ச்சி நடத்தப்பட்டு வருகிறது. அமிதாப்பச்சனின் குரோர்பதிநிகழ்ச்சியைப் போல பெரிய அளவு பேசப்படாவிட்டாலும் கூட தமிழகத்தில் நல்ல ரசிகர்களைப் பெற்றுள்ளதுகோடீஸ்வரன்.
தற்போது சன் டிவிக்குப் போட்டியாக களம் இறங்குகிறது ஜெயா டிவி. ஆனால் வித்தியாசமாக பெண்களுக்கானகோடீஸ்வரி நிகழ்ச்சியைத் தயாரிக்க திட்டமிட்டுள்ள ஜெயா டிவி. இந்த நிகழ்ச்சியை நடத்த நடிகை குஷ்புவைஒப்பந்தம் செய்துள்ளதாகத் தெரிகிறது.
எப்போது முதல் இந்த நிகழ்ச்சி ஒளிபரப்பாகும், என்ன மாதிரியான நிகழ்ச்சியாக இது இருக்கும் என்பது இன்னும்தெரிவிக்கப்படவில்லை. பெண்களை மட்டுமே மையமாக வைத்து இந்த நிகழ்ச்சி தயாரிக்கப்படவுள்ளது.