ஜூன் 7 ம் தேதி வாஜ்பாய்க்கு ஆபரேஷன்

டெல்லி:

பிரதமர் வாஜ்பாய்க்கு மீண்டும் வரும் ஜூன் மாதம் 7 ம் தேதி வலது காலில் அறுவை சிகிச்சை நடக்கவுள்ளது.

இதற்காக அவருக்கு ஞாயிற்றுக்கிழமை டெல்லியிலுள்ள அகில இந்திய மருத்துவக் கழக மருத்துவமனையில் சுமார்1 மணி நேரம் மருத்துவப் பரிசோதனை நடந்தது.

பிரதமர் வாஜ்பாய்க்கு தொடர்ந்து இடது காலில் மூட்டு வலி இருந்து வந்ததால் அவருக்கு கடந்த வருடம்அக்டோபர் மாதம் அறுவை சிகிச்சை நடந்தது.

இந்த அறுவை சிகிச்சை மும்பையிலுள்ள ப்ரீச் கேன்டி மருத்துவமனையில் நடந்தது. அறுவை சிகிச்சையைநியுயார்க் டாக்டர் சித்த ரஞ்சன் ரணவத்தே செய்தார்.

தற்போது இவருக்கு வலது காலிலும் வலி இருப்பதால் அறுவை சிகிச்சை செய்ய வேண்டும் என்று டாக்டர்கள்அறிவுறுத்தியுள்ளனர்.

இதனால் வரும் ஜூன் மாதம் 7 ம் தேதி மும்பையில் பிரதமர் வாஜ்பாய்க்கு அறுவை சிகிச்சை நடக்கிறது.

யு.என்.ஐ.