ஆசிரியர் சங்கங்களுடன் கல்வி அமைச்சர் பேச்சு

சென்னை:

தமிழகத்தில் உள்ள அனைத்து தொடக்க கல்வி ஆசிரியர் சங்கங்களின் பிரதிநிதிகளை தமிழக கல்வி அமைச்சர்தம்பிதுரை சந்தித்துப் பேசுகிறார்.

இந்தப் பேச்சுவார்த்தையில் ஒவ்வொரு சங்கங்களில் இருந்தும் 5 பிரதிநிதிகள் மட்டுமே கலந்து கொள்ளலாம் என்றுதெரிவிக்கப்பட்டுள்ளது.

இதுகுறித்து தமிழக அரசு வெளியிட்டுள்ள அறிக்கை:

தமிழகத்தில் உள்ள அங்கீகாரம் பெற்ற மற்றும் அங்கீகாரம் பெறாத தொடக்க கல்வி ஆசிரியர் சங்கங்களின்பிரதிநிதிகளை தமிழக கல்வி அமைச்சர் தம்பிதுரை சந்தித்துப் பேசுகிறார்.

இந்தக் கூட்டம் வெள்ளிக்கிழமை மாலை 5 மணிக்கு தலைமைச் செயலகத்தில் உள்ள மாநாட்டுக் கூடத்தில்நடைபெறுகிறது என்று தமிழக அரசு தெரிவித்துள்ளது.