இன்று கருணாநிதிக்குப் பிறந்த நாள்... தலைவர்கள் வாழ்த்து
சென்னை:
தி.மு.க. தலைவரும், முன்னாள் முதல்வருமான .கருணாநிதி ஞாயிற்றுக்கிழமை தனது 78-வது பிறந்த நாளைக்கொண்டாடுகிறார்.
கருணாநிதியின் பிறந்த நாளையொட்டி ஜனாதிபதி கே.ஆர்.நாராயணன், பிரதமர் வாஜ்பாய் உள்ளிட்ட பலதலைவர்கள் வாழ்த்துத் தெரிவித்துள்ளனர்.
ஜனாதிபதி கே.ஆர்.நாராயணன் வெளியிட்டுள்ள வாழ்த்துச் செய்தியில், நல்ல உடல் நலத்துடன், இன்னும் நீண்டநாட்கள் இந்த நாட்டிற்கு நீங்கள் சேவை செய்ய வேண்டும் என்று வாழ்த்துகிறேன் என்று கூறியுள்ளார்.
பிரதமர் வாஜ்பாய் வெளியிட்டுள்ள செய்தியில், 50 ஆண்டுகளுக்கும் மேலாக விரிந்துள்ள உங்களின் நெடியபொது வாழ்க்கையில் நாட்டின் பொருளாதாரம் வலுவடையவும், சமுதாய ரீதியில் தமிழகம் தலை சிறந்தவிளங்கவும் சீரிய முறையில் செயல்பட்டுள்ளீர்கள்.
தமிழக நலனுக்காக உங்களது பொதுவாழ்வு அர்ப்பணிக்கப்பட்டுள்ளது. அந்த வகையில் இந்தியாவின் அதிகபிரசித்தி பெற்ற தலைவராக நீங்கள் விளங்கி வருகிறீர்கள் என்று கூறியுள்ளார் அவர்.
இவர்கள் தவிர துணை ஜனாதிபதி கிருஷ்ணகாந்த், மத்திய அமைச்சர் அத்வானி, ஜார்ஜ் பெர்னாண்டஸ், பாலயோகி,ஜே.எம்.ஆரூண், எஸ்.கண்ணப்பன், டாக்டர் சேதுராமன் ஆகியோரும் வாழ்த்துத் தெரிவித்துள்ளனர்.