இந்தியாவுக்கு "அவாக்ஸ்" ராடார் தருகிறது இஸ்ரேல்

ஜெருசலேம்:

விண்ணிலேயே செயல்படும் ராடார் சிஸ்டமான அவாக்ஸை இஸ்ரேலிடமிருந்து இந்தியா வாங்கவிருக்கிறது.

நீண்ட காலமாகவே இத்தகைய ஒரு ராடார் சிஸ்டத்தை வாங்க இந்தியா ஆர்வம் கொண்டிருக்கிறது.ரஷ்யாவிடமிருந்து வாங்கியுள்ள ஐ.எல்.-76 போர்விமானம் அல்லது ஒரு போயிங் விமானத்தில் இந்த அவாக்ஸைஇந்தியா பொருத்தவிருக்கிறது.

இஸ்ரேல் பிரதமரும், வெளியுறவுத்துறை அமைச்சரும் அனுமதி தந்தால் போதும். அவாக்ஸ் சிஸ்டம் இந்தியாவில்இறங்கிவிடும்.

இந்தியாவுக்கு இந்த ராடார் சிஸ்டத்தை விற்கப் போவதாகச் சென்ற ஆண்டே இஸ்ரேல் அமெரிக்காவிடம் அனுமதிகேட்டது. ஆனால் அமெரிக்க முன்னாள் ஜனாதிபதி பில் கிளின்டன் அரசிடம் இருந்து நீண்ட நாட்களாக எந்தப்பதிலும் வரவில்லை. கடந்த ஜனவரியில் புஷ் பதவி ஏற்பதற்கு சில நாட்களுக்கு முன்தான் இதற்கான அனுமதியைஇஸ்ரேலுக்கு அமெரிக்கா அனுப்பியது.

இந்தியாவுக்கு அவாக்ஸை விற்பதற்கு சிறிது காலமாகவே அமெரிக்கா இஸ்ரேலுக்கு எதிர்ப்பு தெரிவித்து வந்தது.இதே காரணத்துக்காகத்தான் கடந்த வருடம் சீனாவிற்குக் கொடுக்கவிருந்த அவாக்ஸ் வியாபாரத்தை இஸ்ரேல் ரத்துசெய்துவிட்டது.

ஐ.ஏ.என்.எஸ்.