சபாநாயகர் தேர்தலில் வெற்றி பெறுவோம்... வைத்தியலிங்கம்

சென்னை:

பாண்டிச்சேரி சட்டசபை சபாநாயகர் தேர்தலில் காங்கிரஸ் கட்சி வெற்றி பெறும் என்று பாண்டிச்சேரி முன்னாள்முதல்வர் வைத்தியலிங்கம் கூறியுள்ளார்.

பாண்டிச்சேரி முதல்வராக போட்டியிட்டவர் வைத்தியலிங்கம். ஆனால் அவருக்குப் பதில் ப. சண்முகம் முதல்வராகிவிட்டார். இதனால் வைத்தியலிங்கம் அதிருப்தியில் இருப்பதாக கூறப்பட்டது. இந்த நிலையில் சபாநாயகர் தேர்தல்நடக்கவுள்ளதால் அதிக அதிருப்தியாளர்கள் காரணமாக காங்கிரஸ் கட்சி தோல்வியுறும் என்ற பேச்சு அடிபடுகிறது.

ஆனால் புதுவையில் புதன்கிழமை செய்தியாளர்களை சந்தித்த வைத்தியலிங்கம் இந்த செய்திகளை மறுத்தார். அவர்கூறுகையில், அமைச்சர் பதவி கிடைக்காததால் நான் அதிருப்தியடைந்திருப்பதாக வெளியாகும் செய்திகளில்உண்மையில்லை. முதல்வர் சண்முகம் தலைமையிலான அமைச்சரவையில் எனக்கு இடம் கிடைக்காதது வருத்தம்தரவில்லை.

சபாநாயகர் தேர்தலில் காங்கிரஸ் கட்சி நிச்சயம் வெற்றி பெறும். சவால்களைச் சந்தித்து நிச்சயம் வெற்றி பெறுவோம்.சவால்களைச் சந்திப்பது காங்கிரஸுக்குப் புதிதல்ல என்றார் வைத்தியலிங்கம்.