இங்கிலாந்தில் இன்று நாடாளுமன்றத் தேர்தல்

லண்டன்:

இங்கிலாந்து நாடாளுமன்றத்துக்கு வியாழக்கிழமை நாடாளுமன்றத் தேர்தல் நடக்கிறது.

பிரதமர் டோனி பிளேரின் தொழிலாளர் கட்சியும், எதிர்க்கட்சித் தலைவர் வில்லியம் ஹேக்கின் கன்சர்வேட்டிவ்கட்சியும் களத்தில் உள்ளன.

தேர்தலையொட்டி, இரு கட்சியினரும் புதன்கிழமை இரவு வரை தேர்தல் பிரச்சாரம் செய்தனர்.

பொருளாதாரம் மற்றும் வேலைவாய்ப்பு ஆகியவை பெருகுவதற்கு தொழிலாளர் கட்சி பாடுபடும் என்றும்,இங்கிலாந்து நாட்டிலுள்ள ஒவ்வொரு குடிமகனும் வாக்களிக்க வேண்டும் என்றும் தனது தேர்தல் பிரச்சாரத்தில்பிரதமர் டோனி பிளேர் கேட்டுக் கொண்டார்.

தேர்தலையொட்டி, இங்கிலாந்தில் வாழும் இந்தியர்கள், பாகிஸ்தானியர்கள் உள்பட தெற்காசியாவைச்சேர்ந்தவர்களின் வாக்குகள் அதிக முக்கியத்துவம் பெற்றுள்ளது.

முன்னதாக, நாடாளுமன்றத் தேர்தலையொட்டி இங்கிலாந்தில் நடத்தப்பட்ட கருத்துக் கணிப்புக்கள் பிரதமர் டோனிபிளேரின் தொழிலாளர் கட்சியே வெற்றி பெறும் என்று தெரிவித்துள்ளன.