"அண்ணா சமாதியில் உதயசூரியனை நீக்கியது சரியே"

சென்னை:

அண்ணா சமாதியிலிருந்து உதயசூரியன் சின்னம் நீக்கப்பட்டதை சமூக நீதிக்கட்சியின் தலைவர்ஜெகவீரபாண்டியன் வரவேற்றுள்ளார்.

சென்னை மெரீனா கடற்கரையில் உள்ள அண்ணா சமாதியில் உதய சூரியன் சின்னம் வைக்கப்பட்டிருந்தது. இதைதற்போதைய அ.தி.மு.க. அரசு நீக்கியுள்ளது.

இது குறித்து சென்னையில் ஜெகவீரபாண்டியன் வெளியிட்டுள்ள அறிக்கையில் கூறியிருப்பதாவது:

அண்ணாவின் புகழ் ஒரு கட்சிக்கு மட்டும் சொந்தமானதல்ல. மேலும் ஒரு கட்சியின் தேர்தல் சின்னம் அரசின்நினைவகத்தில் வைக்கப்படக்கூடாது.

உதய சூரியன் சின்னத்தை வைப்பதற்கு அண்ணாசமாதி ஒன்றும் தி.மு.க.வின் தலைமையகமான அண்ணாஅறிவாலயமல்ல.

உதயசூரியன் சின்னம் அண்ணா சமாதியிலிருந்து நீக்கப்பட்டதால் மக்கள் மகிழ்ச்சியடைந்துள்ளார்கள் எனகூறியுள்ளார்.