ஐரோப்பாவுக்கு அதிக சாப்ட்வேர் ஏற்றுமதி வாய்ப்பு

கோவை:

ஐரோப்பிய நாடுகளுக்கு சாப்ட்வேர் ஏற்றுமதியை அதிகரிக்க வாய்ப்புகள் உள்ளன என இந்திய சாப்ட்வேர்எக்ஸ்போர்ட் கவுன்சில் தலைவர் டி.கே. ஷரீன் தெரிவித்தார்.

கோவையில் இந்திய சாப்ட்வேர் எக்ஸ்போர்ட் கவுன்சில் நடத்திய ஆலோசனைக் கூட்டத்தில் கலந்து கொண்ட இந்தஅமைப்பின் தலைவர் டி.கே. ஷரீன் பேசியதாவது:

இந்தியாவிலிருந்து சாப்ட்வேர் ஏற்றுமதி பெரும்பாலும் அமெரிக்காவிற்கு மட்டுமே ஏற்றுமதியாகிறது. எனவே,உலகில் உள்ள பிற நாடுகளுகளிலும் நமது கவனத்தைச் செலுத்த வேண்டிய அவசியத்தில் உள்ளோம்.

ஐரோப்பிய நாடுகளுக்கான ஏற்றுமதி மிகவும் குறைவாக வே உள்ளது. இந்த நாடுகளின் பக்கம் நமது கவனத்தைச்செலுத்தினால், அதிகமான வருவாயை சாப்ட்வேர் மூலம் ஈட்ட முடியும்.

உலக நாடுகளைப் பொறுத்தவரை, சாப்ட்வேர் ஏற்றுமதிக்கான வாய்ப்புகள் இந்தியாவிற்கு அதிகமாக உள்ளது.இந்த அரிய வாய்ப்பினைப் பயன்படுத்திக் கொள்வது நமது செயல்பாடுகளில்தான் உள்ளது. சாப்ட்வேர் ஏற்றுமதிசெய்ய தேவையான அனைத்து உதவிகளையும் இந்த கவுன்சில் ஏற்படுத்தி தரும் என்றார் ஷரீன்.