சென்னையில் இலவச உணவு மருத்துவக் கண்காட்சி

சென்னை:

சென்னையில் வரும் சனி மற்றும் ஞாயிற்றுக்கிழமைகளில் இலவச உணவு மருத்துவக் கண்காட்சி நடைபெறவுள்ளது.

சென்னை அண்ணா நகரிலுள்ள சுந்தரம் மெடிக்கல் பவுண்டேசன் மருத்துவமனையில் இக்கண்காட்சி நடக்கவுள்ளது.

"ஆரோக்கிய வாழ்க்கைக்கு சரியான உணவு" என்பதே இக்கண்காட்சியின் முக்கிய அம்சமாகும். பல்வேறு வயதினருக்கும்தேவையான உணவு முறைகள், ஆரோக்கிய உணவுகளைப் பெறுவது எப்படி, உடற்பயிற்சியின் முக்கியத்துவம், சத்தான உணவுபற்றிய கேள்வி-பதில் நிகழ்ச்சி ஆகியவை இக்கண்காட்சியில் விளக்கப்படும்.

மேலும், இலவச ரத்த, சர்க்கரைப் பரிசோதனைகளையும் பொதுமக்கள் செய்து கொள்வதற்கு இக்கண்காட்சியில் ஏற்பாடுசெய்யப்பட்டுள்ளது.

ஜூன் 23ம் தேதி சனிக்கிழமை பிற்பகல் 2 மணி முதல் இரவு 7 மணி வரையும், 24ம் தேதி ஞாயிற்றுக்கிழமை காலை 10 மணி முதல்மாலை 4 மணி வரையும் இக்கண்காட்சி நடைபெறும்.