இன்று ஐ.நா.சபையில் பேசுகிறார் சோனியா

நியூயார்க்:

அகில இந்திய காங்கிரஸ் கட்சித் தலைவர் சோனியா காந்தி ஐ.நா.சபை கூட்டத்தில் செவ்வாய்க்கிழமை பேசுகிறார்.

அகில இந்திய காங்கிரஸ் கட்சித் தலைவர் சோனியா காந்தி 4 நாட்கள் சுற்றுப்பயணமாக அமெரிக்காசென்றிருக்கிறார்.

ஞாயிற்றுக்கிழமை நியூயார்க் நகருக்குச் சென்ற அவர் அங்குள்ள ஒரு ஹோட்டலில் தங்கியுள்ளார்.

அமெரிக்காவில் வாழும் இந்தியர்கள், முதலீட்டாளர்கள் மற்றும் சமுதாயத் தலைவர்களை அவர் சந்தித்துப்பேசவிருக்கிறார்.

காங்கிரஸ் கட்சியின் பொருளாதார கொள்கை, அமெரிக்க உறவு, இந்தியா-பாகிஸ்தான் பேச்சுவார்த்தையில்தங்களது நிலை பற்றி சோனியா, அவர்களிடம் பேசுவார் என்று எதிர்பார்க்கப்படுகிறது.

ஐ.நா.சபையில் சோனியா:

எய்ட்ஸ் நோய் ஒழிப்பு தொடர்பான ஐ.நா.சிறப்புக்கூட்டத்தில் (செவ்வாய்க்கிழமை) சோனியா காந்தி பேசுகிறார்.

சோனியாவுடன் முன்னாள் மத்திய அமைச்சர்கள் மன்மோகன் சிங், நட்வர்சிங், ஜெய்ராம் ரமேஷ் மற்றும் முரளிதோரியா ஆகியோர் உடன் சென்று இருக்கின்றனர்.