அமெரிக்காவுக்கு ராணுவத்தினருக்குப் பயிற்சியா? இந்தியா மறுப்பு
டெல்லி:
இந்திய ராணுவப் பயிற்சிக் கல்லூரியில் அமெரிக்க ராணுவத்தினர் பயிற்சி பெற உள்ளனர் என்று வந்துள்ளசெய்தியை இந்திய அரசு மறுத்துள்ளது.
மிசோரம் மாநிலத்தில் உள்ள வைராங்க்ட் ராணுவப் பயிற்சிக் கல்லூரியில், அமெரிக்க ராணுவ வீரர்கள் பயிற்சிபெறப் போகிறார்கள் என்றும், இந்தியாவில் அமெரிக்காவின் ராணுவ மையம் ஒன்றை வைக்க அனுமதிஅளிக்கப்பட்டுள்ளது என்றும் சில அறிக்கைகள் வந்தன.
மத்திய வெளியுறவுத் துறை அமைச்சகம் இதைக் கடுமையாக எதிர்த்துள்ளது. இதுபோன்ற செய்திகள் தவறானவை என்றும் அதுகூறுகிறது.
கடந்த ஆண்டு, இந்தப் பயிற்சிக் கல்லூரியில் ஒரு அமெரிக்க ராணுவ அதிகாரி பயிற்சி பெற்றது உண்மைதான். இந்த ஆண்டும்கூட, பயிற்சிக்கு வருவதாக ஒரு வெளிநாட்டு ராணுவ அதிகாரி விண்ணப்பிருந்தார். ஆனால் அதுபற்றி இன்னும் முடிவுசெய்யப்படவில்லை என்றும் வெளியுறவுத் துறை அமைச்சகம் கூறியுள்ளது.
மத்திய பாதுகாப்புத் துறை அமைச்சகமும் இந்த அறிக்கைக்கு மறுப்பு தெரிவித்துள்ளது. இதுபோன்ற ஒரு ராணுவப் பயிற்சிக்கல்லூரியைத் தங்கள் நாட்டுக்காக அமைத்துத் தர வேண்டும் என்று அமெரிக்கா கேட்டுள்ளது. அது தற்போதுபரிசீலனையில்தான் உள்ளது என்று பாதுகாப்புத் துறை அமைச்சகம் கூறியது.
யு.என்.ஐ.