அடுத்தது ஸ்டாலினா?

சென்னை:

தமிழக முன்னாள் முதல்வரும் திமுக தலைவருமான கருணாநிதி கைது செய்யப்பட்டதைத் தொடர்ந்து, சென்னைமாநகர மேயர் மு.க. ஸ்டாலினும் விரைவில் கைது செய்யப்படலாம் என்று எதிர்பார்க்கப்படுகிறது.

அவருடைய வீட்டைச் சுற்றிலும் போலீஸார் குவிக்கப்பட்டுள்ளனர். நள்ளிரவிலேயே அவருடைய வீட்டைப்போலீஸார் ரெய்டு செய்தனர். இதற்கு வீட்டிலுள்ளவர்கள் கடுமையான எதிர்ப்பைத் தெரிவித்தனர்.

போலீஸார் அங்கு குவிக்கப்பட்டதைத் தொடர்ந்து, திமுக தொண்டர்களும் அவருடைய வீட்டின் முன்பு கூடஆரம்பித்தனர்.

ஸ்டாலின் அப்போது வீட்டில் இல்லாத காரணத்தால், அவரைக் கைது செய்யவில்லை என்றும் கூறப்படுகிறது.

இந்நிலையில், விரைவில் அவர் கைது செய்யப்படலாம் என்று கூறப்படுகிறது.

இரவு முழுவதும் தலைமறைவாக இருந்த ஸ்டாலின் காலையில் திமுக தலைமையகமான அறிவாலயம் வந்தார்.