கருணாநிதியைப் பார்க்கப் போகிறார் ராமதாஸ்

சென்னை:

சென்னையில் மேம்பாலம் கட்டியதில் ரூ.12 கோடி ஊழல் நடந்தது தொடர்பாக கைது செய்யப்பட்டு, சிறையில்அடைக்கப்பட்டுள்ள தமிழக முன்னாள் முதல்வர் கருணாநிதியைப் பார்க்க பாட்டாளி மக்கள் கட்சித் (பாமக)தலைவர் டாக்டர் ராமதாஸ் செவ்வாய்க்கிழமை மத்திய சிறைக்குச் செல்கிறார்.

ஏற்கனவே திமுக கூட்டணியில் அங்கம் வகித்து வந்தது பாமக. அதே கூட்டணியில் இடம் பெற்றிருந்த தமிழகராஜீவ் காங்கிரஸ் தலைவர் வாழப்பாடி ராமமூர்த்திக்கும், பாமக தலைவர் டாக்டர் ராமதாசுக்கும் இடையே பலவிஷயங்களில் கருத்து வேறுபாடு இருந்து வந்தது.

வாழப்பாடி ராமமூர்த்தியைக் கூட்டணியை விட்டு விலக்க வேண்டும் என்று ராமதாஸ் கூறியதைக் கருணாநிதிபொருட்படுத்தாமல் இருந்ததால், ராமதாஸ் திமுக கூட்டணியிலிருந்து விலகி அதிமுக கூட்டணியில் சேர்ந்தார்என்பது நினைவிருக்கலாம்.

இந்நிலையில் தமிழகத்தில் ஆளும்கட்சியான அதிமுக கூட்டணியில் பாமக தற்போது இருந்தாலும், தனிப்பட்டமுறையில் ராமதாசும், கருணாநிதியும் நண்பர்கள் என்பதால் கருணாநிதியைச் சந்திக்க செவ்வாய்க்கிழமைசெல்லவிருக்கிறார் ராமதாஸ்.