ராமதாஸ் பல்டி ஏன்?-: போட்டி வன்னியர் சங்கம் விளக்கம்

சென்னை:

தனது மகனுக்கு ராஜ்யசபா எம்.பி. பதவி கொடுக்காததால் தான் அதிமுக கூட்டணியிருந்து ராமதாஸ் விலகினார் எனஅவருக்கு போட்டியான வன்னியர் சங்கம் குற்றம் சாட்டியுள்ளது.

இந்த சங்கத்தின் தலைவர் ஏ.கே. நடராஜன் வெளியிட்டுள்ள அறிக்கையில், சிறிதும் நம்பத்தகாத நபர் தான்ராமதாஸ். கட்சி விட்டு கட்சி கூட்டணி மாறுவதில் அவரை மிஞ்ச ஆளே கிடையாது. கட்சித் தாவுவதில் பெரியசாதனையைச் செய்துள்ளார்.

3 மாதத்தில் அதிமுக கூட்டணியிலிருந்து விலகி வந்ததன் மூலம் தனக்கு கொள்கைகளே கிடையாது என்பதைநிரூபித்துவிட்டார்.

ஏறி வந்த ஏணியை எட்டி உதைப்பதில் அவருக்கு நிகர் அவர் தான்.

வாஜ்பாய் கூட்டணியில் மீண்டும் சேர்ந்து எப்படியாவது தனது மகனை மத்திய அமைச்சர் ஆக்க வேண்டும் என்பதுதான் அவரது திட்டம்.

வன்னியர் மீதோ அல்லது தமிழக மக்கள் மீதோ அவருக்கு எந்த அக்கரையும் கிடையாது என்றார் நடராஜன்.