தமிழக அரசு எங்களை மிரட்டவே இல்லை!

சென்னை:

கருணாநிதி கைது சம்பவத்தில் போலீசார் எடுத்த வீடியோ கேசட்டைப் போடவேண்டும் என்று தமிழக அரசுஎங்களை மிரட்டவோ கட்டாயப்படுத்தவோ இல்லை என்று தமிழ்நாடு கேபிள் டிவி உரிமையாளர்கள் சங்கம்அறிவித்துள்ளது.

இதுகுறித்து சங்கத்தின் தலைவர் திருஞானம், பொதுச்செயலாளர் ஆறுமுகம், பொருளாளர் மாதவன் ஆகியோர்விட்ட கூட்டறிக்கையில் கூறியிருப்பதாவது:

கடந்த 12.07.2001 அன்று மாவட்ட ஆட்சித்தலைவர்கள் மூலமாக ஒவ்வொரு மாவட்ட கேபிள் டிவி கட்டுப்பாட்டுஅறைக்கும் 1 கேசட் வீதம் அனுப்பி வைக்கப்பட்டது.

அப்போது எந்தவித நிர்பந்தமோ, கட்டாயமோ, மிரட்டலோ தமிழக அரசிடமிருந்து எங்களுக்கு வரவில்லை.இப்போது ஒவ்வொரு கேசட்டும் உரிமையாளரின் விருப்பப்படியே ஒளிபரப்பப் படுகிறது.

நாங்கள் அரசியல் பாகுபாடின்றி இத்தொழிலை நடத்தி வருகிறோம்.ஆகையால் யாரும் இதற்கு அரசியல் சாயம்பூச வேண்டாம். இந்நிலையில், ஒளிபரப்பை ஆரம்பித்த பின்னர் திமுக சார்பில் பல இடங்களில் எங்கள் சங்கத்தினர்மிரட்டப்பட்டுள்ளனர்.

ஆகையால் அவர்களுக்கு காவல்துறை மூலம் தகுந்த பாதுகாப்பு அளிக்கும் படி தமிழக முதல்வர் அவர்களைக்கேட்டுக்கொள்கிறோம்.

தொடர்ந்து இந்தக் கேசட்டை ஒளிபரப்ப ஆவன செய்யும்படியும் தமிழக முதல்வர் அவர்களைக்கேட்டுக்கொள்கிறோம்.

தமிழக அரசு எங்களை மிரட்டவேயில்லை. இவ்வாறு அந்த அறிக்கையில் கூறப்பட்டுள்ளது.

(அப்படியா!)