குடும்ப "பாசமலர்" சிவாஜி

சென்னை:

நடிப்பு என்ற விஷயத்திற்குப் பிறகு சிவாஜி என்றதும் நமக்கு நினைவிற்கு வருவது சிவாஜியின் குடும்பப்பாசம்தான். கடைசிவரை கூட்டுக் குடும்பமாகவே சிவாஜி குடும்பத்துடன் இருந்து வந்தார்.

அவரது சகோதரர்கள் குடும்பத்தினரும் சிவாஜி குடும்பத்துடனேயே இருந்தனர்.

சிவாஜியின் ஏற்றத்திற்கு ஒரு காரணம் அவருடைய மனைவி கமலா என்றால், இன்னொரு காரணம் அவருடையதம்பி வி.சி. சண்முகம்.

சிவாஜிக்கு 2 மகள்கள் (சாந்தி, தேன்மொழி). இவர்கள் இருவருக்கும் தந்தை மீது கொள்ளைப் பிரியம். சாந்தியின்மகள் சத்தியவதியைத்தான் ஜெயலலிதாவின் முன்னாள் வளர்ப்பு மகன் சுதாகரன் திருமணம் செய்துள்ளார்.

சிவாஜியின் 2 மகன்களில் இளையவர் நடிகர் பிரபு. சிவாஜி பிலிம்ஸ் நிர்வாகத்தை முழுக்க முழுக்க மூத்த மகன்ராம்குமார்தான் கவனித்து வருகிறார். "அறுவடை நாள்" என்ற படத்திலும் இவர் தலை காட்டியுள்ளார்.

ஒவ்வொரு ஆண்டும் அக்டோபர் மாதம் 1ம் தேதி, திரையுலகமே திரண்டு வந்து சிவாஜியிடம் ஆசி பெறுவதுவழக்கம். ஏனென்றால், அன்றுதான் அவருடைய பிறந்தநாள்.

எப்போதும் நெற்றி நிறைந்த குங்குமத்துடன் காணப்படும் கமலா அம்மாளை இனிமேல் அப்படிப் பார்க்க முடியாதுஎன்பதுதான் நெஞ்சுக்குள் அனைவருக்கும் எழும் ஒரே சோகம்!