ரயிலில் தாலி பறித்த திருடன்: விரட்டிப் பிடித்தார் இன்ஸ்பெக்டர்

சென்னை:

ஓடும் ரயிலில் பெண்ணிடம் தாலியைப் பறித்துக் கொண்டு ஓடிய திருடனை ரயில்வே போலீஸ் சப்-இன்ஸ்பெக்டர்ஒருவர் விரட்டிப் பிடித்து, அவனிடமிருந்து நகைகளை மீட்டார்.

சென்னையிலிருந்து டெல்லிக்குச் சென்று கொண்டிருந்த தமிழ்நாடு எக்ஸ்பிரஸ் ரயிலில் இச்சம்பவம்ஞாயிற்றுக்கிழமை இரவு நடந்தது.

சென்னையை அடுத்த பேசின் பிரிட்ஜ் அருகே ரயில் சென்று கொண்டிருந்தபோது, அதில் பயணம் செய்த எல்லைப்பாதுகாப்புப் படை சப்-இன்ஸ்பெக்டர் ஒருவருடைய மனைவியின் கழுத்திலிருந்த தாலியையும், 2 பவுன் தங்கச்சங்கிலியையும் பறித்துக் கொண்டு ஒரு திருடன் ஓடினான்.

ஆனால், அதே ரயிலில் இருந்த ரயில்வே சப்-இன்ஸ்பெக்டரான ஜெய்பால் என்பவர் உடனே அந்தத் திருடனைவிரட்டிச் சென்று பிடித்தார்.

பிடிபட்ட திருடன் கைது செய்யப்பட்டு, ரயில்வே போலீசாரிடம் ஒப்படைக்கப்பட்டான்.

அவனிடமிருந்து மீட்கப்பட்ட தாலியும், நகையும் அந்தப் பெண்ணிடமே மீண்டும் ஒப்படைக்கப்பட்டன.

யு.என்.ஐ.