மேட்டூர் அணையில் நீர்மட்டம் குறைகிறது

மேட்டூர்:

மேட்டூர் அணையின் நீர்மட்டம் படிப்படியாகக் குறைந்து கொண்டே வருகிறது.

மேட்டூர் அணையின் நீர்பிடிப்புப் பகுதியில் மழை நின்று விட்டதால், அணையின் நீர்மட்டம் குறைந்து வருவதாகக்கூறப்படுகிறது.

அணைக்கு வரும் நீரின் அளவு குறைந்து விட்டதாலும், அணையிலிருந்து பாசனத்திற்காக தண்ணீர் திறந்துவிடப்பட்டிருப்பதாலும் அணையின் நீர்மட்டம் குறைந்து வருவதாக பொதுப்பணித்துறை அதிகாரிகள் கூறினர்.

இதனால் அணையிலிருந்து திறந்து விடப்படும் நீரின் அளவு விநாடிக்கு 5000 கன அடியாக குறைக்கப்பட்டுள்ளது.

இதற்கிடையே, மேட்டூர் அணையின் நீர்மட்டம் குறைந்து கொண்டே வருவதால், இந்த நீரை நம்பியிருக்கும்விவசாயிகள் அனைவரும் தண்ணீரைச் சிக்கனமாகப் பயன்படுத்த வேண்டும் என்று கேட்டுக்கொள்ளப்பட்டுள்ளனர்.

தற்போது நடந்து வரும் குறுவை சாகுபடியையும் விரைந்து முடிக்குமாறும் அவர்கள் அறிவுறுத்தப்பட்டுள்ளனர்.