அமெரிக்க விசா: விரைவில் வழங்க புதிய தூதர் முயற்சி

டெல்லி:

அமெரிக்கா செல்ல விரும்பும் இந்தியர்களுக்கு விரைவில் விசா வழங்க நடவடிக்கை எடுப்பேன் என புதிதாகப்பதவியேற்றுள்ள இந்தியாவுக்கான அமெரிக்கத் தூதர் ராபர்ட் பிளாக்வில் கூறினார்.

அமெரிக்கா செல்ல விரும்புவோர் விசா பெறுவதற்காக மிக அதிக நேரத்தை செலவிடுவதைத் தவிர்க்கச் செய்யவேண்டிய வழிமுறைகளை வகுக்குமாறு தூதரக அதிகாரிகளுக்கு அவர் உத்தரவும் பிறப்பித்துள்ளார்.

விசா வழங்க ஒரிரு மாதங்களில் புதிய திட்டம் அறிமுகப்படுத்தப்படும். இதன் மூலம் மிகக் குறுகிய காலஅவகாசத்திலேயே விசா பெற முடியும் எனவும் ராபர்ட் பிளாக்வில் தெரிவித்தார்.

இந்திய தூதராக நியமிக்கப்பட்டுள்ள இவர் டெல்லியில் உள்ள அமெரிக்கத் தூதரகத்துக்குள் முக்கிய வாயில்வழியே நுழையவில்லை. இந்தியர்கள் விசா பெற நுழையும் வாயில் வழியாகத் தான் தூதரகத்துக்குள் நுழைந்தார்.

விசா வாங்க வருபவர்கள் எப்படி நிறுத்தப்படுகிறார்கள், அவர்களுக்கு என்னென்ன வசதிகள் தரப்படுகின்றன,எப்படியெல்லாம் அலைகழிக்கப்படுகின்றனர் என்பதை விசாரித்த பிளாக்வில், இந்திய-அமெரிக்க நல்லுறவுக்குபாடுபடப் போவதாகக் கூறினார்.