கருணாநிதி மீண்டும் அப்போலோவில் அனுமதி

சென்னை:

முன்னாள் தமிழக முதல்வரும், தி.மு.க. தலைவருமான கருணாநிதி இன்று (புதன்கிழமை) காலை சென்னையில்உள்ள அப்போலோ மருத்துவமனையில் அனுமதிக்கப்பட்டார்.

கடந்த ஜுன் 30ம் தேதி கருணாநிதி கைது செய்யப்பட்டபோது, போலீஸ்காரர்கள் கருணாநிதியிடம் முரட்டுத்தனமாகநடந்ததாகக் கூறப்பட்டது. இதனால் அவருக்குக் கைகளில் உள்காயம் ஏற்பட்டதாகவும், கைகளைத் தூக்கமுடியாததாகவும் கூறப்பட்டது.

இதுகுறித்து, சென்னையில் செவ்வாய்க்கிழமை செய்தியாளர்களுக்கு பேட்டி அளித்தபோது, போலீசார் தன்னைதாக்கியதால் தனக்கு ஏற்பட்டுள்ள காயங்களை கருணாநிதி காட்டினார். மேலும் வலது தோள்பட்டையில் கடும் வலிஇருப்பதாகவும், இரவில் வலி தாங்கமல் துடிப்பதாகவும் கூறியிருந்தார்.

இந்நிலையில் கருணாநிதி சென்னையில் உள்ள அப்போலோ மருத்துவமனையில் சிகிச்சைக்காக தற்போதுசேர்க்கப்பட்டுள்ளார்.

மருத்துவர்கள் அவருக்கு தொடர்ந்து சிகிச்சை அளித்து வருகிறார்கள். அவருக்கு கட்டாய ஓய்வு தேவை என்றுமருத்துவர்கள் கூறியுள்ளதால், அவரை பார்க்க யாரும் வர வேண்டாம் என்று திமுக தலைமைச் செயலகம்வெளியிட்டுள்ள ஒரு செய்திக் குறிப்பில் கூறப்பட்டுள்ளது.