உள்ளாட்சித் தேர்தல்: 24ம் தேதி வாக்காளர் பட்டியல் வெளியீடு

சென்னை:

தமிழகத்தில் வருகிற அக்டோபர் மாதம் நடைபெறவுள்ள உள்ளாட்சித் தேர்தலுக்கான வாக்காளர் பட்டியல் வரும்24-ம் தேதி வெளியிடப்படுகிறது.

உள்ளாட்சித் தேர்தல் தொடர்பாக, மாவட்ட கலெக்டர்கள் மற்றும் மாநிலத் தேர்தல் ஆணையாளர்கள் கூட்டம் இன்று(வியாழக்கிழமை) சென்னையில் நடந்தது. இக்கூட்டத்தில் உள்ளாட்சித் தேர்தல் பணிகள் குறித்துஆலோசிக்கப்பட்டது.

மேலும் உள்ளாட்சித் தேர்தலுக்கான வாக்குச்சீட்டு அச்சடிப்பது, வாக்குச்சாவடிகள் அமைப்பது, வாக்காளர் பட்டியல்வெளியிடுவது போன்ற விஷயங்கள் குறித்து ஆலோசனை செய்யப்பட்டது.

மேலும் வாக்காளர்கள் தங்கள் வாக்குரிமையை சுதந்திரமாகவும், பாதுகாப்பாகவும் பதிவு செய்ய சரியானஏற்பாடுகள் செய்வது குறித்தும் ஆலோசனை செய்யப்பட்டது.