உள்ளாட்சித் தேர்தல்: 3-வது அணி அமைக்க காங்கிரஸ் முயற்சி

சென்னை:

வரவிருக்கிற உள்ளாட்சித் தேர்தலில் தமிழகத்தில் காங்கிரஸ் தலைமையில் 3 வது அணியை உருவாக்க கட்சித்தலைவர் இளங்கோவன் முடிவு செய்துள்ளதாகத் தெரிகிறது.

இதற்கு மேலிடம் பச்சைக் கொடி காட்டியுள்ளதாகவும் கூறப்படுகிறது. வரும் தேர்தலில் அதிமுகவினர் காலை வாரிவிட்டுவிடுவார்கள். அதனால் 3வது அணியே சிறந்தது என்று மேலிடத்தில் இளங்கோவன் கூறியுள்ளார்.

இதைத் தொடர்ந்த திமுக எதிர்ப்புக் கட்சிகளை தனது அணியில் சேர்க்கவும் அவர் முயற்சிகளைத்தொடங்கியுள்ளார். மேலும் திமுக மற்றும் பா.ஜ.கட்சிகளையும் அரவணைத்துப் போகவும் அவர்தயாராகிவிட்டதாகவும் கூறப்படுகிறது.