ஜெ.வுக்கு விரைவில் மூட்டு ஆபரேஷன்?

சென்னை:

முதல்வர் ஜெயலலிதா விரைவில் மூட்டு வலி ஆபரேஷனை செய்து கொள்ளவிருப்பதாக கூறப்படுகிறது.

முதல்வர் ஜெயலலிதா செவ்வாய்க்கிழமை டெல்லி செல்வதாக இருந்தது. திட்டக் கமிஷன் துணைத் தலைவர்கே.சி.பந்த்துடன் பேச்சு நடத்துவதற்காக அவர் டெல்லி செல்வதாக இருந்தது.

ஆனால் திடீரென உடல் நலக்குறை ஏற்பட்டதால் அவரது பயணம் ரத்து செய்யப்பட்டது. முதுகு வலிதான் காரணம்என்று கூறப்பட்டது.

இந்நிலையில், ஜெயலலிதாவுக்கு மூட்டு வலி இருப்பதாகவும், அதற்கு விரைவில் அவர் சிகிச்சை பெற்றுக்கொள்ளவிருப்பதாகவும் கூறப்படுகிறது.

அனேகமாக அவருக்கு மூட்டு ஆபரேஷன் நடத்தப்படலாம் என்றும் கூறப்படுகிறது. இருப்பினும் இதுகுறித்துஉறுதியாக எந்த தகவலும் வெளியாகவில்லை.

பிரதமர் வாஜ்பாய் மூட்டு ஆபரேஷன் செய்து கொண்ட பின்னர் நன்றாக நடக்கிறார். எனவே அதேபோலஜெயலலிதாவும் மூட்டு ஆபரேஷன் செய்து கொள்ளலாம் என்று தெரிகிறது.