செக்ஸ் சைட்டாகியது ஆந்திர முதல்வரின் வெப்சைட்

ஐதராபாத்:

இந்தியாவின் "ஹைடெக் முதல்வர்" என்று வர்ணிக்கப்படும் ஆந்திர மாநில முதல்வர் சந்திரபாபுநாயுடுவின்வெப்சைட்டை செக்ஸ் தகவல்களைத் தரும் ஆபாச வெப்சைட்டாக ஆர்மேனியா நாட்டினர் திருட்டுத்தனமாகமாற்றிவிட்டார்கள்.

சைபர் கிரைம் என்றழைக்கப்படும் இன்டர்நெட் குற்றங்கள் கம்யூட்டர் உலகில் பெருகிவருகின்றன. இதுபோல்,குறும்பு செய்வதற்காகவும் ஒரு பெருங்கூட்டமே இருக்கிறது.

அவர்கள், மற்றவர்களின் வெப்சைட்களில் நுழைவதற்கான பாஸ்வேர்ட் (ரகசியக்குறியீடு)-ஐத் தெரிந்து கொண்டு,அதில் திருட்டுத் தனமாக நுழைந்து கிறுக்குத்தனமாக ஏதாவது அதில் பதிவு செய்துவிடுவார்கள்.

ஆந்திரமுதல்வர் சந்திரபாபு நாயுடு கம்யூட்டர் தொழில் நுட்பத்தில் மிக்க ஆர்வமுடையவர் என்பது எல்லோருக்கும்தெரிந்த விஷயம். தமது மாநிலம் கம்யூட்டர் துறையில் வளர்ச்சியடைய வேண்டும் என்ற நோக்கில் பலசீர்திருத்தங்களைச் செய்துவருபவர். மைக்ரோசாப்ட் ஜாம்பவான் பில் கேட்ஸின் இந்திய விஜயத்தின்போது,அவரை ஹைதராபாத்துக்கு அழைத்து ஆந்திராவுக்குப் பெருமை சேர்த்தவர்.

இவர் தனக்கென ஒரு வெப்சைட்டை ஏற்படுத்தி வைத்திருந்தார். அதன் முகவரி www.nchandrababunaidu.comஇந்த சைட்டில் சந்திரபாபு நாயுடு பற்றிய தகவல்கள், அவரது அன்றாடப் பணிகள், அவரது சாதனைகள் ஆகியவைஇடம்பெற்றிருந்தன.

சைபர் கிரிமினல்கள் இந்த சைட்டில் எப்படியோ திருட்டுத்தனமாக நுழைந்து விட்டனர். பிறகு, தங்களுக்குப் பிடித்தஆபாசப் படங்கள் மற்றும் தகவல்களை அதில் இடம்பெற வைத்துவிட்டனர்.

இதையறிந்த நாயுடு அதிர்ந்து போய்விட்டார். பிறகு இந்த சைட்டை நிர்வாகம் செய்யும் அமைப்பிடம் இதுகுறித்துபுகார் செய்தார்.

அவர்கள் ஆராய்ந்து பார்த்ததில், ஆர்மேனியா நாட்டில் உள்ள யெரிவன் என்ற இடத்தில் இந்த நாசவேலைகள்நடத்தப்பட்டது தெரிய வந்துள்ளது. பிறகு, இந்த சைட்டைப் பார்க்க முடியாதபடி தடை செய்யப்பட்டது.

ஆனால், அந்தத் திருடர்கள் சில நாட்களில், இந்தத் தடையையும் உடைத்துக் கொண்டு உள்ளே புகுந்து விட்டனர்.அதோடு நில்லாமல், இந்த சைட் விற்பனைக்கு உள்ளது என்று விளம்பரம் வேறு கொடுத்துள்ளனர்.