ஆடிக் கார்த்திகை... திருத்தணிக்கு சிறப்பு ரயில்கள்

சென்னை:

ஆடிக்கார்த்திகையை முன்னிட்டு அறுபடை வீடுகளில் ஒன்றான திருத்தணிக்கு விசேஷ ரயில்கள் விட தென்னகரயில்வே ஏற்பாடு செய்துள்ளது.

ஆடி கார்த்திகை 12ம் தேதி வருகிறது. இதையொட்டி முருகன் தலங்களில் விசேஷ பூஜைகள் செய்யப்படும்.அறுபடை வீடுகளில் ஒன்றான திருத்தணியில் ஆடிக்கார்த்திகை விழா சிறப்பாக கொண்டாடப்படும்.

இதையொட்டி திருத்தணிக்கு சிறப்பு ரயில்கள் இயக்கப்படவுள்ளன. திருத்தணி-ரேணிகுண்டா மார்க்கத்தில் ஒருரயிலும், திருத்தணி-அரக்கோணம் மார்க்கத்தில் இரண்டு ரயில்களும் இயக்கப்படும்.

இந்த சிறப்பு ரயில்கள் 10ம் தேதி முதல் 13ம் தேதி வரை இயக்கப்படும் என்று தென்னக ரயில்வேசெய்திக்குறிப்பில் தெரிவிக்கப்பட்டுள்ளது.