ஆடி கார்த்திகை - சென்னையில் சிறப்பு பஸ்கள்

சென்னை:

வரும் 12ம் தேதி கொண்டாடப்படும் ஆடி கார்த்திகையை முன்னிட்டு சென்னையில் உள்ள முருகன்கோவில்களுக்கு சிறப்பு பேருந்துகளை விட மாநகர போக்குவரத்துக் கழகம் ஏற்பாடு செய்துள்ளது.

தமிழகத்திலுள்ள அனைத்து முருகன் கோவில்களிலும் ஆடி கார்த்திகை விசேஷமாக கொண்டாடப்படும்.

சென்னையில் பல இடங்களில் முக்கியமான முருகன் கோவில்கள் உள்ளன. வடபழனி, கந்தகோட்டம்,குன்றத்தூர், குமரன் குன்றம் ஆகிய இடங்களில் முருகன் கோவில்கள் உள்ளன.

ஆடி கார்த்திகை தினத்தன்று இந்த நான்கு இடங்களுக்கும் சென்னையின் பல்வேறு பகுதிகளிலிருந்தும் மக்கள்செல்வார்கள்.

இதற்காக சிறப்பு பேருந்துகள் இயக்கப்படவுள்ளதாக மாநகர போக்குவரத்துக் கழக செய்திக்குறிப்பில்தெரிவிக்கப்பட்டுள்ளது.