மூப்பனாருக்கு அமெரிக்க டாக்டர்கள் சிகிச்சை?

சென்னை:

தமிழ் மாநில காங்கிரஸ் தலைவர் மூப்பனாருக்கு சிகிச்சை அளிப்பதற்காகஅமெரிக்காவிலிருந்து டாக்டர்கள் குழு வரவழைக்கப்படலாம் என்று தெரிகிறது.

த.மா.கா. தலைவர் மூப்பனார் எலும்பு முறிவு காரணமாக சென்னை போரூர்ராமச்சந்திரா மருத்துவமனையில் சிகிச்சை பெற்று வருகிறார். அவரது உடல்நிலைமோசமடைந்துள்ளது. இருப்பினும் த.மா.கா. தரப்பில் இது மறுக்கப்பட்டுள்ளது.மூப்பனாரின் உடல்நிலை தொடர்ந்து மோசமாகவே உள்ளதாக தெரிகிறது.

இந்த நிலையில், ராமச்சந்திரா மருத்துவமனை டாக்டர் தணிகாச்சலம் வெளியிட்டுள்ளஒரு அறிக்கையில், மூப்பனாரின் நுரையீரலில் நிமோனியா காய்ச்சல் ஏற்பட்டுள்ளது.இதை சரி செய்ய சக்திவாய்ந்த மருந்துகள் கொடுக்கப்பட்டுள்ளன. இருப்பினும் அதுசரியாகாததாலும் மேலும் பல உடல் பாகங்களுக்கு நிமோனியா பரவியதாலும்அறுவைச் சிகிச்சை செய்ய வேண்டிய நிலை உருவானது.

தொடர்ந்து மூப்பனார் தீவிர சிகிச்சைப் பிரிவில் வைக்கப்பட்டு சிகிச்சை தரப்பட்டுவருகிறார். இதுதவிர அமெரிக்காவிலிருந்து டாக்டர்கள் குழுவிடம் ஆலோசனைபெறப்பட்டு வருகிறது. தேவைப்பட்டால் அமெரிக்க டாக்டர்கள்வரவழைக்கப்படுவார்கள்.

மூப்பனாருக்கு லேசான மூச்சுத்திணறல் ஏற்பட்டதால் திங்கள்கிழமை இரவு முதல்அவருக்கு செயற்கை சுவாசம் வழங்கப்பட்டு வருகிறது என்று கூறியுள்ளார்.

தமிழக காங்கிரஸ் தலைவர் இளங்கோவன் உள்ளிட்ட பலர் செவ்வாய்க்கிழமைமூப்பனாரை மருத்துவமனையில் சென்று பார்த்தனர்.