நலமுடன் உள்ளார் மூப்பனார்... தமாகா

சென்னை:

தமிழ் மாநில காங்கிரஸ் தலைவர் மூப்பனார் தற்போது நலமுடன் இருப்பதாகவும், விரைவில் அவர் வீடு திரும்புவார்என்றும் தமிழ் மாநில காங்கிரஸ் தரப்பில் தெரிவிக்கப்பட்டுள்ளது.

எலும்பு முறிவு காரணமாக சென்னை போரூர் ராமச்சந்திரா மருத்துவமனையில் சேர்க்கப்பட்டுள்ளார் மூப்பனார்.அவரது உடல்நிலை திங்கள்கிழமை இரவு மோசமடைந்ததாக தெரிவிக்கப்பட்டது.

அவருக்கு மூச்சுத் திணறல் ஏற்பட்டதாகவும், மூச்சு விட அவர் சிரமப்படுவதாகவும் மருத்துவமனை வட்டாரத்தில்தெரிவிக்கப்பட்டதாக கூறப்பட்டது.

ஆனால் இதை தமாகா கட்சி மறுத்துள்ளது. கட்சியின் செய்தித் தொடர்பாளரும், நாடாளுமன்ற உறுப்பினருமானஞானதேசிகன் இதுகுறித்து செவ்வாய்க்கிழமை ஒரு அறிக்கை வெளியிட்டுள்ளார்.

அவ்வறிக்கையில் கூறப்பட்டுள்ளதாவது:

மூப்பனார் உடல் நலத்துடன் இருக்கிறார். அவரது உடல் நிலை மோசமடைந்ததாக வெளியான தகவல்களில்உண்மையில்லை. இதை யாரும் நம்ப வேண்டாம். தற்போது தலைவர் மூப்பனார் நல்ல நலத்துடன் உள்ளார்.

விரைவில் அவர் வீடு திரும்புவார் என்று ஞானதேசிகன் அவ்வறிக்கையில் கூறியுள்ளார்.