மூப்பனார் உடல்நிலை மோசமடைகிறது

சென்னை:

தமிழ் மாநில காங்கிரஸ் தலைவர் மூப்பனாரின் உடல்நிலை கவலைக்கிடமாக உள்ளதாக அவர்அனுமதிக்கப்பட்டுள்ள மருத்துவமனை வட்டாரங்கள் தெரிவித்தன.

தமிழ் மாநில காங்கிரஸ் தலைவர் ஜி.கே.மூப்பனார் எலும்பு முறிவுக்குச் சிகிச்சை பெறுவதற்காக போரூர்ராமச்சந்திரா மருத்துவமனையில் அனுமதிக்கப்பட்டுள்ளார். அவருக்கு முதலில் ஒரு ஆபரேஷன் செய்யப்பட்டது.அதையடுத்து அவர் தொடர்ந்து ஓய்வில் இருந்து வந்தார்.

இந்த நிலையில் திங்கள்கிழமை அவருக்கு மூச்சுத் திணறல் ஏற்பட்டது. மூச்சு விட முடியாமல் அவர் சிரமப்பட்டார்.உடனடியாக டாக்டர்கள் அவருக்கு தீவிர சிகிச்சை அளித்தனர். இருப்பினும் தொடர்ந்து அபாய கட்டத்தில்மூப்பனார் இருப்பதாகத் தெரிகிறது.

மூப்பனாரைப் பார்க்க யாருக்கும் தற்போது அனுமதி கொடுக்கப்படவில்லை. அவரது குடும்பத்தினர் அனைவரும்அருகேயிருந்து மூப்பனாரை கவனித்து வருகின்றனர்.