காங்கிரசில் சேர வாழப்பாடி மீண்டும் விருப்பம்

சென்னை:

காங்கிரஸ் கட்சியில் சேர தமிழக ராஜீவ் காங்கிரஸ் கட்சித் தலைவர் வாழப்பாடி ராமமூர்த்தி விருப்பம்தெரிவித்துள்ளார் என்று தமிழக காங்கிரஸ் தலைவர் இளங்கோவன் கூறினார்.

கன்னியாகுமரியில் அவர் செய்தியாளர்களிடம் பேசுகையில்,

காங்கிரஸ் கட்சியில் சேர வாழப்பாடி ராமமூர்த்தி விருப்பம் தெரிவித்துள்ளார். இதுகுறித்து கட்சித் தலைவர்சோனியா காந்தி பரிசீலனை செய்து வருகிறார்.

அடுத்த மாதம் இரண்டாவது வாரத்தில் சோனியா காந்தி மதுரைக்கு வருகிறார். மதுரையில் நடைபெறும் காங்கிரஸ்பொதுக்கூட்டத்தில் அவர் கலந்து கொண்டு பேசுவார்.

மதுரைக் கூட்டத்தின்போது பல முக்கிய பிரபலங்கள் சோனியா முன்னிலையில் காங்கிரஸ் கட்சியில் சேருவார்கள்.அவர்களில் பலர், சமீப காலத்தில் காங்கிரஸ் கட்சியிலிருந்து பிரிந்து சென்றவர்கள் என்றார் அவர்.