கருணாநிதியை ஏசுவாக சித்தரித்ததை கண்டித்து அ.தி.மு.க போராட்டம்

சென்னை:

இயேசுநாதரோடு தி.மு.க தலைவர் கருணாநிதியை ஒப்பிட்டு வைக்கப்பட்ட கட் அவுட்டைக் கண்டித்து தமிழகம்முழுவதிலும் அ.தி.மு.க சிறுபான்மைப் பிரிவினர் சார்பில் கண்டனப் போராட்டம் நடத்தப்படவுள்ளது.

அ..தி.மு.க. சிறுபான்மைப் பிரிவின் கூட்டம் செயலாளர் லியாவுதின் சேட் தலைமையில் கட்சியின்தலைமையகத்தில் வெள்ளிக்கிழமை நடந்தது. இதில் மாவட்ட செயலாளர்கள் அனைவரும் கலந்து கொண்டனர்.

மக்களுக்காக சிலுவை சுமந்த இயேசு பிரானை, மகன்களுக்காக சொத்து சேர்த்த கருணாநிதியுடன் ஒப்பிட்டுகட்-அவுட் வைக்கப்பட்டது கிறிஸ்தவ மக்களின் மனதைப் புண்படுத்தி விட்டது. இது மிகப் பெரும் கொடுமை.

கருணாநிதி மற்றும் அவரது கட்சியினரின் இந்தக் கொடூர செயலைக் கண்டித்து அ.தி.மு.க சார்பில் தமிழகம்முழுவதிலும் கண்டனக் கூட்டங்கள் நடத்துவது என இக்கூட்டத்தில் முடிவெடுக்கப்பட்டுள்ளதாக கட்சிசெய்திக்குறிப்பில் தெரிவிக்கப்பட்டுள்ளது.