மூப்பனார் உடல்நிலையில் முன்னேற்றம்
சென்னை:
சென்னை ராமச்சந்திரா மருத்துவமனையில் கடந்த 2 வாரங்கலாக சிகிச்சை பெற்றுவரும் தமிழ்மாநில காங்கிரஸ்தலைவர் மூப்பனார் உடல்நிலை, தற்போது முன்னேற்றமடைந்து வருவதாக மருத்துவர்கள் கூறினர்.
இப்போது மூப்பனாருக்கு செயற்கை முறையில் தான் சுவாசம் அளிக்கப்பட்டு வருகிறது. ஆனால் தற்போது எந்தஆபத்தும் இல்லை.
அவருடைய உடல்நிலை முன்னேற்றம் அடைந்து வருகிறது. அவருக்கு எல்லா முக்கிய பாகங்களும் நன்றாகச்செயல்படுகின்றன.
அவருடைய ரத்த அழுத்தம், உடலின் வெப்பநிலை, நாடித்துடிப்பு போன்றவற்றின் அளவுகள் சீராக உள்ளன.
அவர் சுயநினைவோடும், ஆட்களை அடையாளம் சொல்லும் அளவுக்குத் தெளிவாகவும் இருக்கிறார். இருப்பினும்எங்கள் மருத்துவக் குழுவினர் சர்வதேச மருத்துவ நிபுணர்களைத் தொடர்புகொண்டு, மூப்பனாரின் உடல்நிலைகுறித்து, ஆலோசனை நடத்தி வருகிறார்கள் என்றார் டாக்டர் தணிகாசலம்.
இந்நிலையில், மூப்பனாரின் 71வது பிறந்தநாள் விழா இன்று (ஞாயிற்றுக்கிழமை) தமிழகம் முழுவதும் சிறப்புடன்கொண்டாடப்பட்டது. சென்னையில் ரத்ததான முகாம் நடந்தது. அவர் விரைவில் உடல்நலம் பெறவேண்டும்என்பதற்காக, பல கோவில்களில் பிரார்த்தனைகளும் நடந்தன.