சென்னை விமான நிலையத்துக்கு ஐ.எஸ்.ஓ. சான்றிதழ்

சென்னை:

சென்னை விமான நிலையத்துக்கு ஐ.எஸ்.ஓ தரச் சான்றிதழ் கிடைத்துள்ளது.

இந்தியாவிலேயே இந்த சான்றிதழ் பெறும் முதலாவது விமான நிலையம் இதுதான்.

இதற்கான விழா சென்னை விமான நிலையத்தில் சனிக்கிழமை நடந்தது. மத்திய விமானப் போக்குவரத்துத் துறைஇணை அமைச்சர் சமன்லால் குப்தா கலந்து கொண்டு சான்றிதழை வழங்கினார்.

இந்தியாவின் முதலாவது தரச் சான்றிதழ் பெற்ற விமான நிலையமாக சென்னை உருவெடுத்துள்ளதைப் பாராட்டிப்பேசினார் குப்தா.

இந்த விருதின் மூலம், விமான நிலைய ஊழியர்களுக்கு பொறுப்பு கூடியுள்ளது என்பதையும் அவர் சுட்டிக்காட்டினார்.